Toshkent shahridagi Amity universiteti va Farobiy IT Academy ta’limiy hamkorlikni yo‘lga qo‘ydi

Hamkorlik doirasida quyidagilar amalga oshiriladi:

• qo‘shma akademik loyihalarni yo‘lga qo‘yish va professional bilimlar almashinuvi;

• ta’limiy seminarlar, master-klasslar hamda malaka oshirish treninglarini tashkil etish;

• ta’lim muhitiga zamonaviy va innovatsion o‘qitish usullarini joriy etish.

Mazkur hamkorlik orqali har ikki muassasa institutsional aloqalarni mustahkamlash hamda yoshlar uchun xalqaro akademik standartlarga mos, kengroq ta’lim imkoniyatlarini taqdim etishni maqsad qilgan.