“Amity Education Group”ning yetakchi taʼlim va ilmiy tadqiqot muassasasi hisoblangan Amity universiteti QS va THE (dunyodagi yetakchi universitet reyting tashkilotlari) maʼlumotlariga koʻra dunyodagi eng yaxshi 3% universitetlar qatoriga kiradi. Amity universiteti, shuningdek, butun dunyo bo‘ylab akkreditatsiyaning oltin standarti hisoblangan WASC Senior College and University Commission, AQSh mintaqaviy akkreditatsiyasini olgan Osiyodagi yagona universitet bo‘lib, Hindistonda akademik mukammallikning yangi standartini o‘rnatgan.
Tashkil etilganiga 20 yildan ko‘proq vaqt bo‘lgan Amity universiteti hozirda maktabgacha ta’limdan tortib, PhD darajasiga qadar 200 000 dan ortiq talabalarga mo‘ljallangan ta’lim muassasalari guruhi bo‘lib, ular 6000 dan ortiq malakali professor-o‘qituvchilardan 60 xil soha bo‘yicha 300 dan ortiq ta’lim dasturlarida tahsil oladi. Dunyo bo‘ylab Amity universiteti filiallarida 15 000 dan ortiq ilmiy maqolalar yozilgan, 1100 dan ortiq patentlar qo‘lga kiritilgan. Universitet 23 ta mahalliy va 17 ta xalqaro kampuslarga ega va 150 ta oliy taʼlim muassasalari bilan hamkorlik qilib keladi.
Toshkent shahridagi Amity universiteti (AUT) 2019-yilda, O‘zbekiston Respublikasi Prezidentining 2019-yil 7-yanvardagi PQ-4097-son “Toshkent shahridagi Amiti universitetining tashkil etish to‘g‘risida”gi Qaroriga muvofiq tashkil etilgan. Universitet Hindistonning Noida shahridagi Amity universiteti bilan hamkorligida asos solingan bo’lib, bugunga kelib 700 dan ortiq talabalar universitetning turli ta’lim yo’nalishlari tahsil olmoqdalar.
Toshkent shahridagi Amity universiteti umumta’lim kursi, bakalavriat va magistratura bosqichlarida oliy ta’limning turli yo‘nalishlarda, jumladan axborot texnologiyalari, kompyuter injiniringi, iqtisodiyot, biznes va turizm boshqaruvi bo‘yicha kasbga yo‘naltirilgan o‘quv dasturlarini taklif etadi. Bitiruvchilar O‘zbekiston Respublikasida oliy ma’lumot to‘g‘risidagi hujjat sifatida tan olinuvchi Noida shahridagi Amity universiteti namunasidagi xalqaro diplom bilan taqdirlanadi.
Universitet tomonidan bugungi hunda 80 dan ortiq hamkor tashkilotlar bilan anglashuv memorandumlari imzolangan bo‘lib, samarali hamkorlik aloqalari yo‘lga qo‘yilgan. Hamkor tashkilotlar bilan muntazam ravishda talabalar uchun foydali, kasbga yo‘naltirilgan konferensiya, vorkshop va seminarlar tashkil etilib kelinadi.
Universitet tomonidan taklif etilayotgan ta’lim dasturlari sanoatga yo‘naltirilgan bo‘lib, har o‘quv yili oldidan hamkor tashkilotlarning rahbarlari ishtirokida Maslahat kengashlarini o‘tkazilib, ularda bildirilgan takliflarga ko‘ra universitet o‘z ta’lim dasturlarini zamon talabiga mos tarzda yangilab boradi.