Toshkent shahridagi Amity Universiteti talabalari uchun yana bir ilhomlantiruvchi uchrashuv bo‘lib o‘tdi. Yandex Uzbekistan vakili universitetimizga tashrif buyurib, “Frontend Development” mavzusida maxsus taqdimot o‘tkazdi.

Dastur davomida talabalar dasturlash sohasidagi eng dolzarb bilimlar va amaliy ko‘nikmalar bilan tanishishdi. Taqdimot yakunida esa ishtirokchilar o‘zlarini qiziqtirgan savollarni berish imkoniyatiga ega bo‘lishdi va mutaxassisdan batafsil javob olishdi.

Bunday uchrashuvlar yoshlarni IT sohasiga yanada yaqinlashtiradi, ularning nazariy bilimlarini mustahkamlaydi va amaliy jihatdan ham qimmatli tajriba beradi. Amity jamoasi talabalarga zamonaviy bilim manbalarini taqdim etishda davom etadi.