8-may kuni Toshkent shahridagi Amity universitetida Singapurdagi Amity Global Institute mintaqaviy va bosh ijrochi direktori, professor Leon Choong bilan uchrashuv tashkil etildi.
Ushbu tashrif Amity xalqaro kampuslari o‘rtasidagi hamkorlikni mustahkamlash va akademik hamjihatlikni rivojlantirish yo‘lidagi doimiy sa’y-harakatlarning bir qismi bo‘ldi. Uchrashuv davomida talabalar almashinuvi dasturlari, o‘zaro akademik tajriba almashuvi va birgalikdagi ilmiy-tadqiqot loyihalarini kengaytirish masalalari muhokama qilindi.
Shuningdek, professor Leon Choong Amity universitetining Toshkentdagi faoliyati, o‘quv dasturlari va talabalarning akademik yutuqlari bilan yaqindan tanishdi. U universitet jamoasining sa’y-harakatlarini yuksak baholadi va Singapurdagi institut bilan yanada chuqurroq hamkorlik yo‘lga qo‘yilishi haqida fikr bildirdi.
Tashrif yakunida tomonlar o‘zaro hamkorlikni mustahkamlash bo‘yicha kelgusidagi rejalarni belgilab oldilar va talabalar uchun global imkoniyatlarni kengaytirish borasida bir qator muhim kelishuvlarga erishildi.