“Belongingness” (Birlik va birdamlik) kuni Toshkent shahridagi Amity universitetida katta ishtiyoq bilan nishonlandi. Tadbir talabalar va universitet xodimlarini birlashtirib, birlik va jamiyatga tegishlilik tuyg‘usini mustahkamlashga xizmat qildi.
Ishtirokchilar poster yaratish, somsa tayyorlash, hamda gullardan kompozitsiyalar yasashda faol qatnashdilar. Ushbu gullar mehr va hamjihatlik ramzi sifatida mehmonlarga sovg‘a qilindi.
Gulchambar tayyorlash mashg‘ulotida talabalar o‘z qo‘llari bilan go‘zal gullar kompozitsiyalarini yasab, ularni tadbir ishtirokchilariga do‘stlik va hamjihatlik ramzi sifatida sovg‘a qilishdi. Somsa tayyorlash faoliyati esa an'anaviy taomlarimiz orqali birlik va hamkorlik muhitini yaratdi.
Tadbir yakunida eng yaxshi plakat mualliflari va faol ishtirokchilar maxsus sovrinlar bilan taqdirlandilar. Ushbu kun barcha ishtirokchilarga quvonch, ijobiy his-tuyg‘ular va iliq xotiralar ulashdi hamda universitetda bir butun jamiyat tuyg‘usini yanada mustahkamladi.