8–10-aprel kunlari Toshkent shahridagi Amity universiteti vakillari Urganch shahriga tashrif buyurib, abituriyentlar va ta’lim muassasalari bilan uchrashdilar.
Tashrif davomida Toshkent shahridagi Amity universiteti direktori va Qabul bo'limi jamoasi tomonidan maxsus taqdimot o‘tkazildi. Taqdimotda universitetning missiyasi, akademik dasturlari, xalqaro hamkorliklari va jonli talabalar hayoti haqida ma’lumot berildi. Sessiyada Amity universitetida mavjud noyob ta’lim imkoniyatlari, jumladan, xalqaro tajriba, karyera rivoji uchun qo‘llab-quvvatlash va zamonaviy infratuzilmalar alohida ta’kidlandi.
Shuningdek, Amity universiteti tomonidan turli fanlar bo‘yicha qiziqarli viktorinalar va interaktiv faoliyatlar ham tashkil qilindi. Eng faol qatnashgan abituriyentlar universitetdan esdalik sovg‘alari bilan taqdirlandilar.
Ushbu tashrif nafaqat universitetning mintaqadagi nufuzini oshirishga, balki yoshlar orasida xalqaro sifatli ta’limga bo‘lgan qiziqishni kuchaytirishga xizmat qildi. Amity universiteti bunday tashabbuslarni kelgusida ham davom ettirish va O‘zbekistonning turli hududlaridagi iqtidorli yoshlarni qo‘llab-quvvatlashga tayyorligini bildirdi.