4-dekabr kuni Toshkent shahridagi Amity universitetida O‘zbekiston Respublikasi Konstitutsiyasining 32 yilligi munosabati bilan yuridik fanlar nomzodi, dotsent Ismailov Komiljon Safarovich bilan mehmon ma’ruzasi bo‘lib o‘tdi.
“Yangi O‘zbekistonda korrupsiyaga o‘rin yo‘q!” mavzusida bo‘lgan davra suhbatida universitet xodimlari ishtirok etdilar. Komiljon Ismoilov o‘z so‘zini amaliy boy tajribasiga bog‘lab O‘zbekiston Konstitutsiyasining adolat va tenglikni mustahkamlashdagi muhim hujjat sifatida ta’rifladi. Korrupsiyaga qarshi kurashishda va axloqiy boshqaruvni ta’minlashda Qomusimiz asos bo‘lib xizmat qilishi e’tirof etildi.
Mehmon ma’ruzasi barcha ishtirokchilar uchun O‘zbekistonning huquqiy merosi va Konstitutsiyasining ilg‘or mohiyatini chuqurroq anglash imkonini beruvchi boy tajriba bo‘ldi.
Toshkent shahridagi Amity universiteti Ismailov Komiljon Safarovichga qimmatli fikrlari va ilhomlantiruvchi ma'ruza uchun samimiy minnatdorchilik bildiradi. Ushbu tadbir universitetning akademik va fuqarolik mas'uliyatini ta'kidlaydigan har tomonlama ta'limni rivojlantirishga sodiqligini aks ettiradi.